Ai tha se kostot e luftës janë të larta, por çmimi për ta lënë Moskën të arrijë qëllimet e saj ushtarake ishte më i madh, shkruan BBC.
Këto komente të tij erdhën pasi kryeministri britanik, Boris Johnson paralajmëroi nevojën për t’u përgatitur për një konflikt afatgjatë.
Stoltenberg dhe Johnson thanë se dërgimi i më shumë armëve do ta bënte më të mundshme një fitore për Ukrainën.
“Ne duhet të përgatitemi për faktin se mund të duhen vite. Ne nuk duhet të heqim dorë nga mbështetja e Ukrainës,” tha shefi i NATO-s në një intervistë me gazetën gjermane Bild.
“Edhe nëse kostot janë të larta, jo vetëm për mbështetjen ushtarake, edhe për shkak të rritjes së çmimeve të energjisë dhe ushqimeve”.
