Shefi i Zyrës së BE-së në Kosovë, Tomasz Szunyog, ka përshëndetur ekipën e kërkim shpëtimit të FSK-së, që ndodhen në Turqi pas tërmetit shkatërrues.
Szunyog në Twitter ka thënë se është i lumtur që Kosova i ka dalë në ndihmë Turqisë.
Teksa ka thënë se është krenar që e sheh Kosovën duke iu bashkuar BE-së dhe përpjekjeve ndërkombëtare të shpëtimit
“Dua të përshëndes përpjekjet e kërkim-shpëtimit të Forcave të Sigurisë së Kosovës (FSK) në Turqi, gjatë dhjetë ditëve të fundit. Deri më tani ata kanë arritur të shpëtojnë katër jetë, përfshirë dy fëmijë. Krenar që shoh Kosovën duke iu bashkuar BE-së dhe përpjekjeve ndërkombëtare të shpëtimit”, ka shkruar ai.
Ndryshe ekipet e kërkim-shpëtimit të Forcës së Sigurisë së Kosovës që nga mëngjesi i 8 shkurtit, janë duke operuar me kapacitete të plota në Hataj të Turqisë.
Ekipet e FSK-së kanë arritur deri tash të nxjerrin të gjallë katër persona nga rrënojat e objekteve të shkatërruar nga tërmetet.
Numri i të vdekurve në Turqi e Siri pas tërmetëve ka shkuar në mbi 35 mijë./teve1.info/
I want to applaud the search and rescue efforts of the @KSF_Kosova 🇽🇰 in Türkiye 🇹🇷 over the last ten days.
So far they have managed to save four lives, including two children.
Proud to see #Kosovo joining the #EU🇪🇺 and international rescue effort. pic.twitter.com/7aR01Z1jON— Ambassador Tomáš Szunyog (@EUAmbKS) February 15, 2023
