Sekretari amerikan i Shtetit, Marco Rubio, njoftoi sot vendosjen e sanksioneve ndaj kompanisë shtetërore kubane të energjisë, Unión Cuba-Petróleo (CUPET), në kuadër të një urdhri ekzekutiv të Donald Trump, ka njoftuar Departamenti Amerikan Shtetit.
Sipas Rubios, elitat komuniste në Kubë kanë përdorur sektorin energjetik si një mjet për kontroll shoqëror dhe përfitime korruptive.
Ai akuzoi regjimin se për dekada ka grumbulluar dhe keqpërdorur karburantin për qëllime politike dhe për mbështetjen e strukturave të sigurisë, ndërkohë që qytetarët kubanë janë përballur me mungesa të energjisë dhe radhë të gjata për furnizim.
Zyrtarët amerikanë theksuan se këto masa synojnë të kufizojnë aftësinë e qeverisë kubane për të përdorur tregtinë e energjisë në funksion të politikave represive. Sipas tyre, qëllimi është të nxitet një e ardhme me më shumë liri ekonomike dhe politike për popullin kuban./teve1.info/
