Departamenti i Thesarit amerikan i ka vënë sanksione industrisë serbe të naftës “NIS AD Novi Sad”.
Kjo për shkak se kjo industri është një filial i Gazprom Neft-it rus.
Në komunikatë është bërë e ditur se Departamenti i Thesarit amerikan ndërmori veprime gjithëpërfshirëse për të përmbushur angazhimin e G7, kjo për të reduktuar të ardhurat ruse nga energjia, duke përfshirë bllokimin e dy prodhuesve kryesorë rusë të naftës.
Gazprom Neft ka aksione në NIS, që nga viti 2022. Aksione ka edhe kompania e saj Gazprom.
Sipas të dhënave të NIS-it, kompania Gazprom Neft zotëron sot 50 për qind të kapitalit aksionar të NIS-it, Republika e Serbisë zotëron 29.87 për qind të aksioneve, ndërsa kompania Gazprom zotëron 6.15 për qind të aksioneve.
Lidhur me këtë ka reaguar, presidenti serb, Aleksandër Vuçiq, i cili tha se bëhet fjalë për “sanksione të rënda dhe serioze” dhe se kërkohet “largimi i plotë i Rusisë nga pronësia e NIS-it”.
“Ata nuk lejojnë mundësinë e 49 për qind ose më pak kapital rus”, tha ai në një konferencë për media.
Ai shtoi se Serbisë i janë vendosur afate për të kryer transformimin e pronësisë së NIS-it. Presidenti serb theksoi se NIS-i do të mund të vazhdojë të funksionojë vetëm “në mënyrë të rregullt”, ndërsa transformimi i pronësisë duhet të fillojë menjëherë./teve1.info/
