Shala në emisionin “Info Nata” tha se kryeministri Kurti pas takimit me Këshillin e Sigurisë Kombëtare dhe me presidenten e vendit Vjosa Osmani, do të duhej të merrte një vendim konkrret që sipas tij, do të ishte në përputhje me kërkesat e Shteteve të Bashkuara të Amerikës.
“Unë mendoj dhe shpresoj që Qeveria e Republikës së Kosovës… pas takimit që duhet të ketë me Këshillin e Sigurisë Kombëtare dhe me presidenten, të marrë informacionet relevante nga terreni nga strukturat e sigurisë së Republikës së Kosovës dhe mbi këto informacione të marrë një vendim konkret, i cili është një vendim në harmonizim të plotë me propozimin e Shteteve të Bashkuara të Amerikës, që kjo çështje të shtyhet sepse, çështja e targave është shndërruar në një çështje nga aspekti teknik procedural në një çështje politike”, tha ai.
Teksa shtoi se çështja e targave po e cenon sigurinë në vend.
Ndryshe afati për riregjistrim të makinave nga targat ilegale në RKS pritet të përfundojë më 31 tetor.
Kryeministri i Kosovës, Albin Kurti, ka thënë më 25 tetor se Kosova merr seriozisht sugjerimet e aleatëve ndërkombëtarë lidhur me shtyrjen e zbatimit të vendimit për targat./teve1.info./
