Shala tha se mënyra se si Projektligji është laboruar e shkruar e ndarë në nene e humb kuptimin, teksa shtoi se ideja e këtij Projektligji është e rrezikshme për ekonominë e tregut të lirë.
“Rrethanat se çfarë ndodhemi aktualisht si ekonomi e vendit para një krize ekonomike dhe një inflacioni ideja për të nxjerrë këtë ligj është interesante, por mënyra se si është laboruar, shkruar e ndarë në nene kjo ide e humb kuptimin dhe shprehë herë-herë edhe humb edhe logjikën, ideja pastaj devalvon jashtë qëllimit të mirë duke u kthyer si masë represive dhe e rrezikshme për ekonominë e tregut të lirë” tha Shala.
Sipas tij, ky Projektligj tejkalon përmasat e një ligji qëllim mirë por shtoi se gjithashtu mund të përdoret edhe kundër bizneseve për mënyrën e ruajtjes së konkurrencës, raporton teve1.info
“Ky draft ligj tejkalon edhe përmasat e një ligji qëllim mirë dhe lë hapësirë zëmadhe që ky ligj mund të kthehet në dëm apo edhe mund tëpërdoret në situata të caktuara kundër bizneseve për mënyrën dhe ruajtjen e konkurrencës”, deklaroi ai.
Deputeti i PDK-së, tha se neni ka nevojë të qartësohet sepse është i paqartë dhe i dëmshëm.
“Ky nen ka shumë nevojë të sqarohet dhe të kjartësohet kështu që është jashtëzakonisht i paqartë dhe i dëmshëm”, ka thënë Shala.
Tutje Shala bëri të ditur se PDK-ja nuk e mbështet këtë Projektligj, siç e quajti ai ” të keqshkruar e të dëmshëm” për ekonominë dhe konsumatorin./teve1.info
