Njohësi i çështjeve të sigurisë, Drizan Shala, duke folur për rastet e shpeshta të vrasjeve e grabitjeve që po ndodhin në vend, ka thënë se siguria publike është neglizhuar në tri vitet e fundit pasi, sipas tij, angazhimi ka qenë më i madh për sigurinë dhe shtrirjen e sovraniteti në veri të Kosovës.
Shala në emisionin “Këndi i Debatit” në Tëvë 1, tha se numri i madh i policëve të dërguar në veri, ka bërë që grupet kriminale të kenë terën për të vepruar.
“Në tri vitet e fundit jemi angazhuar në sigurinë nacionale në veri dhe kemi neglizhuar Drejtorinë për Siguri Publike në kuadër të PK, duke dërguar më shumë zyrtarë në pjesën veriore. Kjo ka dhënë një imput në aspektin e sigurisë publike dhe një imputo pozitiv për grupet kriminale. Gabimi me i madh ishte strukturi i 70 për qind e policive ishte e angazhuar në veri dhe pjesa tjetër mbeti në mëshirën e strukturave të pakta të zyrtarëve policorë”, tha Shala.
Dy raste të vrasjes kanë ndodhur të mërkurën mbrëma në Prishtinë.
Ndërsa, të enjten, Policia e Kosovës ka arritur të neutralizojë njërin nga të dyshuarit të përfshirë në grabitjen e javës së kaluar në Suharekë.
I vrari nga PK-ja kishte gjuajtur në drejtim të zyrtarëve të sigurisë nga një lokal në Prishtinë, ku zyrtarët policorë kishin shkuar për ta arrestuar.
Një polic është plagosur, ndërsa vetëm të enjten janë arrestuar katër persona, duke quar në shtatë numrin e të arrestuarve për grabitjen në një argjendarie në Suharekë.
Sipas Policisë së Kosovës nga janari deri në tetor të këtij viti kanë nodhur 26 vrasje.
