I ftuar në “Info Nata” me Ardian Visokën në Tëvë 1, Shala tha se për këtë ka informacione, teksa shtoi se rritje të çmimit të grurit do të ketë deri në katërfish.
“Gruri ka shkuar jashtëzakonisht lartë dhe me sa e di dhe kam informacion ne jemi keq sa i përket rezervave të shtetit, sa i përket rezervave të grurit. Kam informacione. Janë jashtëzakonisht jo mirë. Parimisht shteti do duhet t’i kishte në rezerva shtetërore rreth 5 mijë tonë, sot i kemi diku rreth 50 për qind të tyre. Ose pse Qeveria nuk dijnë me shpjegu sa janë rezervat e grurit. Pse Qeveria po vonon dhe tash ka shpall një tender për grurë. Kur sot gjithë kufijtë janë të mbyllur, kur sot çmimi i naftës është rritur, ku mund ta marrim grurin sot? Me çfarë çmimi do ta marrim, besomni se do ta marrim, nëse e krahasojmë paralelisht, njëjtë sikur më çmimin e energjisë. Do të ketë trefish – katërfish të ngritjes së çmimit. Sepse ne nuk i kemi kapacitetet prodhuese me i mbulu nevojat tona”, tha Shala.
Ai shtoi se as Shqipëria nuk është në gjendje të kënaqshme për të furnizuar Kosovën, kështu që vendit i mbetet të dalë në tregun evropian.
“Po ashtu edhe Shqipëria është në gjendje jo shumë të kënaqshme për të na furnizuar. Nuk mundet të na furnizojë, atëherë duhet të dalim në tregun evropian. Ukraina ka qenë rreth 20% furnizues i botës me grurë, sot është 0, atrëherë na mbesin vijat tjera perëndimore që transportojnë e shumë çka tjetre do ta ngrit këtë çështje. Përsëri jemi vonë. Pra masa preventive institucionale nuk kemi dhe jemi keq sa i përket menaxhimit të këtij sektori”, tha Shala. /Teve1.info/
