Për këtë çështje, deputeti i PDK-së, Ferat Shala i bëri thirrje ZRRE-së të mos bie pre e presioneve siç tha ai nga qeveria dhe të mos e certifikojë kompaninë serbe për energjinë.
“Parashikimi që Zyra e Rregullatorit do të marrë vendim lidhur me operatorin e ri për pjesën e veriut, ne vijmë te një situatë për të iu kërkuar publikisht Zyrës së Rregullatorit të mos bien pre e presioneve politike nga ekzekutivi, të veprojë me gjakftohtësi dhe profesionalizëm, ta respektojë ligjin, të ruajë sovranitetin dhe të di kujt dhe çfarë po i jep licencë. Ne nuk themi që të mos licencohet një kompani sipas marrëveshjes së Brukselit, por prapë i bëjmë ftesë të respektohet ligji dhe kushtetuta. Frika ime është që ata janë të ndikuar politikisht. Pasojat mund të jenë tepër të mëdha dhe mund të sjellin një situatë që sektori me të vërtetë rrezikohet”, tha Shala në emisionin “Ditari”
Shala më tej tha se ai së bashku me qytetarët e Kosovës, kanë pritur që me ardhjen e qeverisë Kurti në pushtet, do të ketë marrëveshje të re dhe shumë më të mirë sesa kjo e fundit.
