Kandidatja për kryetare të Prishtinës nga radhët e Partisë Socialdemokrate, Besa Shahini, ka vizituar Asociacionin Nacional për Autizëm në Kosovë (ANAK).
Shahini ka thënë se qiraja e lartë është barrë e madhe për ta, duke theksuar se Komuna duhet të ofrojë hapësirë fizike dhe mbështetje financiare të rregullt.
Ajo ka vlerësuar se për një organizatë si ANAK, qiraja e lartë në Prishtinë është barrë shumë e madhe sepse shërbimet kërkojnë shumë hapësira individuale për punë me fëmijët.
“Komuna minimalisht duhet të ofrojë hapësira fizike, por edhe mbështetje financiare të rregullt. Ishte kënaqësi të shihnim nga afër edhe artin e fëmijëve, disa prej të cilave ishin shndërruar në broshe që na zbukuruan këmishat. Faleminderit për punën që bëni, ANAK”, ka shkruar Shahini në Facebook.
