Në ditën e pestë të fushatës zgjedhore për zgjedhjet lokale të 12 tetorit, kandidatja për kryetare të Prishtinës nga Partia Socialdemokrate, Besa Shahini ka zhvilluar një vizitë në Tregun e Gjelbër në Prishtinë.
Duke theksuar se kushtet e punës për të gjithë shitësit aty janë të papranueshme, Shahini ka premtuar ndërtimin e dy tregjeve të reja të qytetit.
“Perimet në tregun e gjelbër i bleva te Agimi, që ishte në humor të mirë. Por kushtet e punës për të dhe gjithë shitësit janë të papranueshme. Ata presin me vite për një treg të ri, një premtim i pambajtur nga Komuna. Ne do t’i ndërtojmë të dy tregjet e qytetit me prioritet, që shitësit të punojnë me kushte të mira dhe vizitorët në Prishtinë të kenë vend ku shijojnë ushqimet e Gollakut”, ka shkruar ajo në Facebook.
