Këtë të shtunë, kandidati për kryetar të Podujevës, Isak Shabani mblodhi simpatizantë të partisë.
Në këtë tubim me qytetarët e Podujevës, ishte i pranishëm edhe kryetari i partisë, Memli Krasniqi.
Aty, Shabani shpalosi programin e tij qeverisës.
“Zhvillimi ekonomik dhe punësimi. Më shumë vende pune, më shumë mundësi për të rinjët tane…Arsimi dhe Inovacioni. Shkolla moderne dhe dije bashkohore përgaditje për të ardhme dhe politizim i arsimit….Shëndetësia dhe mirëqenja sociale.Kujdes për secilin qytetar.Shërbime më të afërta dhe më cilësore…”, deklaroi ai.
E Krasniqi tha se për 26 vjet, Podujeva ka qenë e udhëhequr nga parti që sipas tij, nuk kanë bërë asgjë.
“Çka kanë bo këta njerz që 26 vite në Podujevë veçse ja kanë marrë votën llapjanëve zgjedhje pas zgjedhje, ja kanë shpërderu besimin. Nëse është një gjë që e di me siguri atëherë jam i bindur që Podujeva meriton më shumë dhe Podujeva meriton më mirë”, deklaroi i pari i PDK-së, Memli Krasniqi.
Sipas Krasniqit, Shabani është njeri i dëshmuar që është gati t’i shërbejë qytetit me përkushtim.
Kronikë e realizuar nga gazetarja Adea Mustafaj.
