Pas Real Betisit e Villarrealit, edhe Sevilla është futur në garë për shërbimet e mesfushorit Carlos Soler, ka njoftuar “FootMercato” të enjten. Soler pritet të largohet nga Paris Saint-Germaini në afatin kalimtar të janarit dhe Sevilla është gati që për kartonin e tij të paguajë deri në 20 milionë euro.
Te Parisi nuk janë të kënaqur me paraqitjet e Solerit dhe për këtë arsye janë në pritje të ofertave për shitjen e tij. Soler ka kontratë me Parisin deri në vitin 2027, ndërsa këtë edicion ka një gol e dy asistime në 13 ndeshje të luajtura në kampionatin francez.
Soler është pjesë e skuadrës franceze prej vitit të shkuar kur iu bashkua nga Valencia, ndërsa ka edhe 14 ndeshje e 4 gola të shënuar për Përfaqësuesen e Spanjës.
