Kosova, Shqipëria dhe Kroacia janë dakoorduar për një aleancë të përbashkët ushtarake.
Në lidhje me këtë ka pasur një reagim nga ministria e Jashtme e Serbisë duke u shprehur se do të kërkojë përgjegjësi nga Kroacia e Shqipëria.
Në reagimin e bërë në rrjetin “X”, MPJ e Serbisë thotë “do t’u dërgojë një kërkesë urgjente Ministrive të Punëve të Jashtme të Republikës së Kroacisë dhe Republikës së Shqipërisë për një shpjegim të detajuar në lidhje me nënshkrimin e memorandumit trepalësh për bashkëpunimin në fushën e mbrojtjes”.
“Ne presim një përgjigje urgjente nga Zagrebi dhe Tirana për synimet reale dhe qëllimet përfundimtare të kësaj loje të rrezikshme ushtarako-sigurie. Serbia nuk do të lejojë asnjë veprim të njëanshëm që mund të rrezikojë integritetin tonë territorial, sigurinë e qytetarëve dhe paqen në rajon”.
“Serbia nuk do ta pranojë këtë në heshtje. Si një shtet që, pavarësisht neutralitetit të tij ushtarak, është aktiv në luftën kundër terrorizmit dhe kërcënimeve moderne të sigurisë, Serbia ka qenë e gatshme të shqyrtojë mundësinë e bashkëpunimit të sinqertë me Kroacinë dhe Shqipërinë. Megjithatë, kjo iniciativë, e cila po zbatohet pa Serbinë, por me Prishtinën, përfaqëson provokim të hapur dhe shpërfillje të rëndë të realitetit në terren”, thuhet në deklaratë.
Ministrat e Mbrojtjes të Kosovës, Shqipërisë dhe Kroacisë nënshkruan një deklaratë në Tiranë sot, duke forcuar bashkëpunimin trepalësh dhe duke theksuar rëndësinë e përgjigjeve të përbashkëta ndaj sfidave të sigurisë, kërcënimeve hibride dhe rreziqeve të tjera që mund të rrezikojnë stabilitetin rajonal.
Министарство спољних послова Републике Србије упутиће хитан захтев министарствима иностраних послова Републике Хрватске и Републике Албаније за детаљно објашњење у вези са потписивањем трилатералног меморандума о сарадњи у области одбране, којим су ове две државе, уз нелегитимног…
— MFA Serbia (@MFASerbia) March 18, 2025
