Ministri i Punëve të Brendshme i Serbisë, Ivica Daçiq, do të kërkojë ekstradimin e Artan Hajrizit nga Gjermania.
Kështu ka thënë Daçiq gjatë vizitës ku thuhet se aty është vrarë i dyshuari për vrasjen e policit serb në Lloznicë.
Deri tash autoritetet serbe nuk kanë bërë publik identitetin e personit të vrarit. Ndërkaq nga vendi i quajtur Banja Kovilaça, Daçiq i është referuar si “terroristi shqiptar”.
I dyshuar për vrasje ka qenë Faton Hajrizi, që ishte në arrati që nga 6 korriku kur kishte iku nga burgu i Smrekonicës në Vushtrri.
Ai ka thënë se Serbia do t’i kërkojë Gjermanisë ta ekstradojë vëllain e të dyshuarit duke e quajtur “bashkëpunëtor në veprën terroriste”.
Daçiq shtoi se ai po fshihej buzë lumit, duke kërkuar një mënyrë për ta kaluar atë.
“Kur ka ardhur policia, ai ka qëlluar dy herë automjetin e policisë. Policia ka reaguar dhe një plumb e ka goditur. Më pas, ai ka nisur të ikë, por është kapur nga policë të tjerë. Gjithsej, ai ka shtënë nëntë herë. Policia e ka vrarë. Ai nuk e kishte ndërmend të dorëzohej”, tha ai.
Hajrizi dyshohet se kishte udhëtuar nëpër Serbi me dokumentet e vëllait të tij, Artanit, të cilat janë gjetur në vendngjarje pas vrasjes së policit serb. Ndërkohë, Artani është paraqitur para autoriteteve në Gjermani – ku dhe jeton- dhe ka thënë se i vëllai, Fatoni ia kishte vjedhur pasaportën gjatë kësaj jave në Gjermani. Megjithatë, nuk është konfirmuar nëse Fatoni ka qenë në Gjermani./teve1.info/
