Të enjten në magjistralen Mitrovicë-Leposaviq u vendosen shenjat e komunikacionit sipas ligjeve të Kosovës.
Meqë tabelat informuese ishin vendosur me buxhet të Serbisë, ato u larguan, ndërsa u vendosen të reja, sipas ligjeve të Kosovës, nga Ministria e Mjedisit,Planifikimit Hapësinor dhe Infrastrukturës.
Por, dikujt i pengoi ky ndryshim i radhës në veriun e vendit.
Ngjashëm u dëmtuan edhe në fshatin Grabovac.
Me të mbërritur në Leposaviq, shihet dëmtimi që i është bërë me ngjyrë tabelës informuese.
Zëvendësdrejtori i Policisë, për rajonin e veriut, Veton Elshani, thotë se prokuroria nuk ka hapur rast për këto veprime nga personat ende të paidentifikuar që ngjyrosen mbi 40 tabela informuese.
Sipas Elshanit, tabelat në gjuhën shqipe u janë vendosur edhe sot në katër komunat veriore.
“Ne i kemi 41 shenja me emra të vendbanimeve që janë vendosur dje, të tjera janë duke u vendosur sot, nga kompania që është kontraktuar nga ministria e Infrastrukturës. Ne e konsiderojmë se këtu nuk ka pas dëmtime, por ngjyrosje me ngjyrë. Kur e kemi kontaktuar prokurorin, nuk ka rast. Nuk ka rast për ta hetuar. Nëse hasim në persona duke hedhur prej në tabelë, merremi me të”, tha Elshani për Tëvë1.
Tabelat e reja informuese u panë në kryqëzimin e magjistrales Zvecan-Mitrovicë, në Banjskë, ku shihet gjithçka në gjuhen shqipe.
Në katër komunat veriore, në janar u ndërruan edhe pllakat e institucioneve të Republikës së Kosovës, në të cilat kanë qenë ato të Serbisë. Në ministritë përkatëse u vendosen ato me stemën e Kosovës.
