Madje ata shpjegojnë arsyet pse nuk po respektojnë afatin e ekzekutivit kosovar.
“Kjo është Serbia”, tha një qytetar serb.
“Targat KM mbeten KM, për asgjë më shumë”, tha një tjetër.
“Për shkak që Kosova nuk është republikë dhe ne nuk kemi nevojë për ato tabela, për ne vazhdojnë ato të Republikës së Serbisë”, tha një qytetar tjetër.
Për gjithë këtë periudhë, strukturat ilegale në Mitrovicën e Veriut, djegën tri vetura.
E fundit ishte të enjten, ku në këtë vend mori flakë vetura e një qytetari të komunës së Leposaviqit, për shkak që i njëjti kishte konvertuar targat e automjetit të tij në RKS.
E për djegien e kësaj veture, televizioni kërkoi përgjigje edhe nga Stacioni Policor në Mitrovicën e Veriut, por pa përgjigje.
Pavarësisht tyre, udhëheqësja e Zyrës së Regjistrimit në Mitrovicën e veriut, Ardita Ademi Istrefi, thotë se ditëve të fundit është shtuar interesimi për regjistrim.
Kronika e gazetares Fetije Kamberi.
