Banorët serbë të komunave në veri të Kosovës janë nis në mëngjesin e së dielës për në Serbi, për të votuar për zgjedhjet që organizohen atje.
Raportohet se në pikat kufitare mes Kosovës dhe Serbisë – Merdare, Jarinje dhe Bërnjak – janë krijuar kolona të gjata.
Serbët po udhëtojnë drejt Serbisë për ta shfrytëzuar të drejtën e tyre, pasi procesi zgjedhor nuk do të zhvillohet në Kosovë, në krahasim me vite më parë.
Ata do të votojnë në katër qytete në jug të Serbisë – në Vranjë, Kurshumli, Rashkë dhe Tutin.
Qeveria e Kosovës ka kërkuar që shteti i Serbisë t’i bëjë kërkesë të drejtpërdrejtë për mbajtje të zgjedhjeve, por Beogradi zyrtar nuk ka vepruar ashtu, meqë nuk e njeh shtetësinë e Kosovës.
![May be an image of 4 people, trolley, crowd, ski slope and text](https://scontent.fprn3-1.fna.fbcdn.net/v/t39.30808-6/410181865_771836704983928_4250019511322738810_n.jpg?_nc_cat=109&ccb=1-7&_nc_sid=3635dc&_nc_ohc=MJdvBSWuPf8AX9gaYry&_nc_ht=scontent.fprn3-1.fna&oh=00_AfCZukWLqSYpEHFqKI4LqVic827TZs8Pi4xm30cXusTSUw&oe=6583B7AF)