Deputetët e Listës Serbe nuk kanë marrë pjesë në seancën e sotme të Kuvendit të Kosovës.
10 deputetë të këtij subjekti politik po zbatojnë kërkesën e Ministrit për Komunitete dhe Kthim, Goran Rakiq për pezullim të punës.
Njëjtë po vepron edhe Kryetari i Komunës së Graçanicës, Ljiljana Šubarić.
Veprimi i zyrtarëve serbe për të ngrirë pozitat e tyre po shihet si i gabuar nga njohësi i çështjeve politike, Dritëro Arifi.
“Unë mendoj që është veprim jo i mirë sidomos për komunietin serb sepse në fund të ditës humbësit më të mëdhenj do të jenë ata sepse zëri i tyre nuk mund të dëgjohet e as kërkesat e tyre. Për ata duhet t’i bëjnë betejat në formë ligjore dhe përmes kushtetutes”, tha Arifi.
Ai shton se veprimi i zyrtarëve serbe është i dirigjuar nga Serbia.
Tëvë1 ka kërkuar sqarim nga Zyra e Kryeministrit nëse Lista Serbe ka dorëzuar ndonjë kërkesë zyrtare për pezullim të detyrës por nuk ka marrë përgjigje gjatë ditës.
Deri të ky vendim i zyrtarëve të Listës Serbe, erdhi pas suspendimit të Kryetares së Gjykatës së Mitrovicës, për shkak të takimit me presidentin serb, Aleksandar Vuçiq.
Raporti i gazetares, Doresa Geci.
