Ata do të priten në takim në ndërtesën e Sekretariatit të Përgjithshëm të presidencës serbe, njofton zyra për shtyp e tij, transmeton teve1.info.
Ndërkaq, senatorët demokratë më herët i kishin thënë Zërit të Amerikës se kishte një interes dypalësh në Uashington në angazhimin e Shteteve të Bashkuara të Amerikës në Ballkanin Perëndimor në ofrimin e mbështetjes ekonomike dhe “çdo lloji tjetër për aspiratat evropiane”.
Kurse, çështja që i shqetëson më së shumti senatorët është ndikimi i Kinës dhe Rusisë – për çka edhe do të diskutohet në Beograd, raporton Tanjug.
Shaheen, që është edhe kryetare e nënkomitetit për Evropën dhe sigurinë rajonale, i ka thënë Zërit të Amerikës në shkurt se SHBA-ja mund ta kundërshtojë atë ndikim në disa mënyra.
Sipas saj, ekziston një varësi e madhe e Ballkanit Perëndimor nga energjia ruse dhe se për këtë SHBA-ja duhet të ndihmojë në krijimin e mundësive të reja për energji të pastër dhe burime të tjera.
Tutje, ajo shprehu besimin se shumë kompani në SHBA do të jenë të interesuara për investime të tilla dhe bashkëpunim me vendet e rajonit në atë fushë.
Chris Murphy gjithashtu deklaroi në atë kohë se Shtetet e Bashkuara duhet të kenë një prani të fortë në rajon dhe tërhoqi vëmendjen për faktin se nevojitet përparim i mëtejshëm në Ballkan në luftën kundër korrupsionit dhe sundimit të ligjit.
“Shumë vende në Ballkanin Perëndimor po shkojnë në drejtimin e gabuar. Dhe kjo nuk është rastësi, duke pasur parasysh faktin se Evropa aktualisht po e bën të vështirë anëtarësimin e vendeve të Ballkanit,” tha ai.
