Kandidati i Lidhjes Demokratike të Kosovës për kryetar të Prizrenit, Driton Selmanaj, në ditën e 12-të të fushatës zgjedhore për zgjedhjet e 12 tetorit ka mbajtur një takim me përfaqësuesit e Bashkësisë Islame në këtë qytet.
Selmanaj ka premtuar se të gjitha objektet fetare në Prizren do të lirohen nga taksat komunale, energjia elektrike do të mbulohet nga komuna, ndërsa restaurimet do të financohen në tërësi nga buxheti komunal.
“Ky është një zotim për barazi, respekt dhe përkushtim ndaj trashëgimisë shpirtërore të Prizrenit. Sepse vetëm duke u kujdesur për rrënjët dhe besimet tona të përbashkëta, mund të ndërtojmë një Prizren më të fortë, më të bashkuar dhe me vlera që i japin kuptim të ardhmes”, ka thënë Selmanaj.
