Kandidati i LDK-së për deputet, Driton Selmanaj ka thënë se LVV është nën çdo nivel me këtë gjuhë fyese që është duke e përdoru në fushatë elektorale.
Ai tha se kjo parti nuk mund të flas për patriotizëm, pasi siç tha ai në momentin që iu vjen rasti flasin më rrjedhshëm serbisht se shqip.
Tutje, ai tha se kjo parti është duke shfrytëzuar emrin e heroit Afrim Bunjaku për vota, derisa shtoi se kjo parti e ka harruar Astrit Deharin.
“Pa fije përgjegjësie për këtë gjuhë. A janë këta që me orë të tëra kanë biseduar me Radoiçiqin, a janë këta që tashmë më i përmend fëmijët e vrarë e njerëzit e depërtum e glorifikojnë e kanë dërgu në qiell Oliver Ivanoviqin…. Këta po më folin për patriotizëm a? Këta po më folin se në një moment që kur iu vjen jo rasti i parë flasin ma rrjedhshëm serbisht se shqip. Këta po me flasin për patriotizëm që një shërbyes publik në Kosovë, një polic të Kosovës e shfrytëzojnë në tubime elektorale duke e thirrur emrin e një polici të ndjerë dhe shumë të respektuar Afrim Bunjaku për të manipuluar njerëzit për një grusht votash. E kanë harru Astrit Deharin…”, ka deklaruar ai në emisionin “Info Nata” në Tëvë1.
