Raportuesja për Kosovën në Parlamentin Evropian, Viola Von Cramon i ka reaguar deklaratës së ish-ministri i Punëve të Jashtme të Kosovës, Petrit Selimi, i cili tha se të paktën tre shtete anëtare të BE-së po shqyrtojnë kërkesën për pezullimin e fondeve të IPA-s dhe visalib-it për Kosovën.
Ajo tha se këtë informacion është duke e dëgjuar për herë të parë.
“Këto informacione i dëgjoj për herë të parë. Unë mund të imagjinoj se kush mund të qëndrojë pas kësaj, por të vihet në dyshim VisaLib dhe fondet e IPA-s është absolutisht e ndaluar. Na duhet një zgjidhje urgjente politike për veriun!” – ka shkruar ajo
Ndryshe, ish-ministri i Punëve të Jashtme të Kosovës, Petrit Selimi, ka thënë se të paktën tre shtete anëtare të BE-së po shqyrtojnë kërkesën për pezullimin e fondeve të IPA-s dhe visalib-it për Kosovën.
Ai tha se ky është informacioni i fundit nga diskutimet brenda BE-së.
“Informacioni më i fundit nga diskutimet brenda BE-së. Të paktën 3 shtete anëtare të BE-së (nuk do t’i përmendim këtu) po shqyrtojnë kërkesën për pezullimin e fondeve të IPA-s dhe visalib-it për Kosovën. Lëvizje drastike, e papranueshme, nëse shtyhen. Tani kemi nevojë për zgjidhje konkrete të paraqitura nga Kosova.” – ka shkruar Selimi në Twitter.
I hear these information for the first time. I can imagine who could be behind it but to question VisaLib and funds of IPA is an absolute no-go.
We need an urgent political solution for the north! https://t.co/DFhuk64Vek— Viola von Cramon 🇺🇦🇪🇺 (@ViolavonCramon) May 31, 2023
