Gjashtë futbollistë shqiptarë janë përfshirë në listën e selektorit të Maqedonisë së Veriut, Blagoja Milevski.
Milevski të enjten ka publikuar listën e lojtarëve të ftuar për ndeshjet miqësore të këtij muaji. Milevski ka ftuar 28 futbollistë, ndërsa Maqedonia e Veriut do t’i luajë dy ndeshje miqësore, me Moldavinë dhe Malin e Zi.
Të dy miqësoret do të zhvillohen në Antalia të Turqisë, më 22 mars kundër Moldavisë dhe 25 mars ndaj Malit të Zi.
Krahas kapitenit Enis Bardhi, në listën e selektorit Milevski janë përfshirë edhe Visar Musliu, Ezgjan Alioski, Agon Elezi, Erdon Daci e Lirim Qamili.
Sulmuesi Qamili është ftuar për herë të parë te Maqedonia e Veriut, ndërsa bën karrierë në elitën e futbollit të Danimarkës, të skuadra Hvidovre.
