Njësia e Doganës kundër kontrabandës ka ndaluar dhe kontrolluar një autobus, në të cilin është gjetur një sasi e konsiderueshme e mallit të padeklaruar, në Merdarë.
Brenda autobusit janë gjetur të fshehura dhe të padeklaruara 189 Njësi Elektrike/Paisje Smart, duke përfshirë priza, ndërprerës dhe termometra.
ADVERTISEMENT
Përmes një njoftimi është bërë e ditur se vlera e mallit të sekuestruar arrin në 8,000.00 euro.
“Malli i padeklaruar është sekuestruar dhe në përputhje me rregulloret aktuale, derisa janë nisur procedurat kundërvajtëse ndaj kompanisë përgjegjëse”, thuhet në njoftimin e Doganës./teve1.info/
