Policia e Kosovës ka arrestuar dy nga katër të dyshuar për ekspozim të armëve në rrjetet sociale në Randobravë të Prizrenit.
Sipas Policisë, gjatë bastisjes në shtëpinë e njërit nga të dyshuarit janë gjetur dy armë të gjata, një pistoletë dhe gjithsej 59 fishekë kalibrin e ndryshme, 4 karikatorë dhe 4 gëzhojat.
“Sot me datë 14.08.2025, pas informacionit operativ se katër të dyshuar kishin ekspozuar armë në rrjetet sociale, Sektori Rajonal i Hetimeve ka filluar hetimin e këtij rasti. Pas disa muajsh aktivitetesh hetimore, sot me urdhër të Gjykatës Komunale në Prizren është kryer kontroll i objektit të banimit të të dyshuarve në fshatin Randobravë, Prizren. Bastisjes është kryer dhe janë kontrolluar dy (2) shtëpi dhe objektet përcjellëse, si dhe i automjeteve që ndodheshin në oborr. Gjatë bastisjes në shtëpinë e njërit nga të dyshuarit janë gjetur dy armë të gjata, një pistoletë dhe gjithsej 59 fishekë kalibrin e ndryshme, 4 karikatorë dhe 4 gëzhojat. Pas marrjes së deklaratave dhe në konsultim me prokurorin kujdestar, dy nga katër të dyshuarit janë ndaluar për 48 orë, ndërsa dy të dyshuarit e tjerë janë liruar në procedurë të rregullt”, bëhet e ditur në njoftimin e Policisë.
