Prokuroria Themelore në Prishtinë ka njoftuar se të mërkurën në Prishtinë është arrestuar një person i dyshuar për veprën penale ‘’falsifikim i parasë”.
Siç bëhet e ditur në komunikatë arrestimi i L.A. është bërë pas një operacioni të përbashkët në koordinim me Policinë e Kosovës.
Ndërkaq, gjatë realizimit të kontrollit në total thuhet se janë sekuestruar 4 mijë e 796 euro.
“Gjatë realizimit të kontrollit janë sekuestruar një shumë para të cilat ndërlidhen me veprën penale. 123 fletë formati A4 ku janë të fotokopjuara kartëmonedha prej 10 € dhe 20 €; 12 fletë A4 të prera pasi janë prerë kartëmonedhat; 1 telefon iPhone; 2 x 100€ = 200 €, 108 x 20€ = 2,160 €, 40 x 10€ = 400 €, 23 x 50€ = 1,150 €, 4 x 100€ = 400 €, 5 x 50€ = 250 €, 5 x 20€ = 100 €, 7 x 10€ = 70 €, 11 x 5€ = 55 €. Në total shuma e parave të sekuestruar është 4,796.40 €uro” thuhet në komunikatë.
Ndaj të dyshuarit është caktuar masa e ndalimit prej 48 orësh.
