Policia e Kosovës të dielën në fshatin Berberisht, ka hasur pesë persona të cilët posedonin gjashtë armë të tipit pushkë gjuetie, pa pasur lejet apo autorizimet përkatëse.
Të dyshuarit janë shoqëruar në Stacionin Policor të Leposaviqit, ku janë intervistuar në prani të avokatëve mbrojtës dhe më pas janë liruar në procedurë të rregullt.
Sipas Policisë, në lidhje me rastin është njoftuar prokurori i shtetit, armët janë sekuestruar dhe ndaj tyre është iniciuar rasti “Mbajtje në pronësi, kontroll ose posedim të paautorizuar të armës”.
“Policia në kuadër të aktiviteteve të rregullta në fshatin Berberishtë të Leposaviqit ka hasur në 5 persona me gjashtë armë – pushkë gjuetie për të cilat nuk kanë pasur leje apo autorizimet e nevojshme. Personat janë shoqëruar në stacion policor Leposaviq, janë intervistuar në praninë e avokatëve dhe më pas janë liruar në procedurë të rregullt”, thuhet në njoftim.
Atyre iu gjetën: Pesë pushkë gjuetie, një pushkë e llojit Karabine, 69 fishekë të kalibrit 12 mm të pushkëve te gjuetisë, 17 fishekë të kalibrit 7.64mm te pushkës Karabine, katër rrethatore – mbajtëse të fishekëve dhe dy fletë-armë të RSFJ-së dhe një leje e gjuetisë te shtetit te Serbisë.
“Policia mbetet e përkushtuar ne zbatushemerin e ligjit dhe apelon për te gjithë qytetaret qe mos te dalin ne gjueti pa poseduar lejen adekuate”, thuhet në njoftim.
