Sekretarit të shtetit amerikan, Anthony Blinken, i është ndërprerë fjalimi gjatë një konference për media që po e mbante në Uashington, derisa thonë se mundësia për një marrëveshje armëpushimi në Gaza mund të jetë afër.
Konferenca u ndërpre kur një grua identiteti i së cilës nuk njihet ende për mediat, ia ndërpreu fjalimin dhe filloi të akuzojë me zë të lartë sekretarin amerikan, për të qenurit i përfshirë në gjenocidin që po ndodh në Gaza, “Çfarë po bëjnë njerëzit e civilizuar si ju, përveç se të vrisni, vrisni, vrisni… Ti je një përbindësh, ti je kriminel lufte”, dëgjohet duke i thënë, në një video që po transmetohej live nga Sky News.
Bisedimet për një marrëveshje të mundshme për armëpushim mes Izraelit dhe Hamasit janë duke vazhduar në kryeqytetin e Katarit, Doha, por ende nuk ka ndonjë rezultat pozitiv zyrtar./teve1/
