Sekretari për Punë të Jashtme i Mbretërisë së Bashkuar, David Lammy ka arritur në Kosovës për vizitë zyrtare.
Ai në aeroportin “Adem Jashari” është pritur nga ministrja në detyrë e Punëve të Jashtme, Donika Gëravlla.
Ajo ka thënë se Mbretëria e Bashkuar ka qenë dhe mbetet mbështetëse e fuqishme e Kosovës, garanci e sigurisë dhe stabilitetit në rajon, dhe partner kyç në procesin e shtetndërtimit dhe integrimit ndërkombëtar.
“Në aeroportin ndërkombëtar të Prishtinës, “Adem Jashari”, pata nderin të mirëpres Sekretarin për Punë të Jashtme të Mbretërisë së Bashkuar, David Lammy, gjatë vizitës së tij zyrtare në Kosovë, vizitë kjo që thekson angazhimin e përbashkët për forcimin e lidhjeve mes dy shteteve dhe avancimin e paqes dhe stabilitetit në rajon dhe më gjerë. Përveç arritjeve të rëndësishme të Kosovës, si forcimi i shtetit ligjor dhe demokracisë, zhvillimi ekonomik dhe integrimi ndërkombëtar, e informova Sekretarin Lammy për sfidat e sigurisë në Ballkan, veprimet destabilizuese të Serbisë dhe ndikimin rus, të cilat vazhdojnë të rrezikojnë stabilitetin në rajon. Theksova se vetëm përmes veprimeve të përbashkëta mund të sigurojmë ruajtjen e paqes dhe stabilitetit, jo vetëm në Kosovë, por në të gjithë rajonin dhe më gjerë. Partneriteti ynë me Mbretërinë e Bashkuar do të vazhdojë të forcohet dhe të thellohet, me fokus në përmirësimin e bashkëpunimit në fushat e sigurisë, ekonomisë dhe politikës ndërkombëtare”, ka shkruar Gërvalla./teve1.info/
