Sipas burimit, për vizitat në Prishtinë e Beograd është vendosur, ndërkohë që po punohet për aranzhim të vizitave edhe në Tiranë e Shkup “e ndoshta edhe në Sarajevë”.
“Ne po përpiqemi për atë datë, vizita ende duhet të koordinohet me vendet e tjera të rajonit”, tha burimi, përcjell DW-ja.
Më herët, gazetari i Frankfurter Allgemeine Zeitung, Michael Martens, kishte raportuar në Tëitter se Scholz do të vizitojë Beogradin më 10 qershor. Duke iu referuar burimeve të sigurta nga Berlini, ai tha se temat do të jenë “energjia, ekonomia, qëndrimi i Serbisë ndaj Rusisë e të tjera”.
Ndërkohë burimi i DW-së thotë se Scholz po përpiqet të përgatitet mirë për Samitin e Procesit të Berlinit, i cili pritet të zhvillohet në gusht.
“Ndryshe nga ish-kancelarja Merkel, Scholz po shkon më shumë drejt zgjidhjeve konkrete. Ai kujdeset që ky samit të mos jetë thjesht një udhëtim i kushtueshëm, por të arrihen zgjidhje konkrete”, tha burimi.
Më ftesë të kancelarit gjerman më 4 maj kryeministri i Kosovës, Albin Kurti dhe presidenti i Serbisë, Aleksander Vuçiq zhvilluan vizitë në Gjermani, ku përveç takimeve të ndara me Scholz, patën një takim të përbashkët me përfaqësuesin e BE-së për dialogun Miroslav Lajçak.
