Përkundër lëvdatave, te skuadra e Sassuolos ende nuk kanë marrë vendim për të ardhmen e portierit të Kosovës, Arijanet Muriq.
Në fakt, te skuadra italiane janë në dyshim për Muriqin, të cilin e huazuan nga Ipswich Towni para fillimit të këtij sezoni.
Sassuolo ka opsionin e blerjes së tij në verë për 10 milionë euro pasi portieri 27-vjeçar ka kontratë me ekipin nga Anglia deri në verën e vitit 2028.
Drejtuesit e ekipit në Serie A duket se do të presin ende para se të marrin një vendim të prerë për blerjen e përhershme të Muriqit.
Gabimi i tij në kohën shtesë kundër Lazios, ka bërë që te Sassuolo të mos jenë të sigurtë për të ardhmen e Muriqit, i cili deri para disa xhirosh ishte tejet i vlerësuar.
Deri në fund të sezonit, kanë mbetur edhe 10 xhiro, ku Sassuolo do ta vlerësojë Muriqin për të cilin nuk përjashtohet opsioni i kthimit te Ipswichi.
