Portieri i Kombëtares së Kosovës, Arijanet Muriq, ka vendosur se ku do ta vazhdojë karrierën.
Muriq është transferuar te Sassuolo, skuadër ku deri më tani ishte i huazuar.
Muriq ishte pjesë e skuadrës angleze, Ipswich Town, që ka vendosur ta pranojë ofertën e Sassuolos për kosovarin pasi ekipi italian kishte opsionin për ta blerë kartonin e portierit të Kosovës.
Po ashtu, edhe Sassuolo ka konfirmuar aktivizimin e opsionin të blerjes së portierit Muriq, duke paguar 7 milionë euro dëmshpërblim.
“Sasuolo Calcio njofton se ka ushtruar të drejtën për të blerë të drejtat sportive të lojtarit Arijanet Muric nga Ipswich Town. Portieri kosovar mbërriti në Sassuolo në verën e vitit 2025 pas përvojës së tij në Premier League. Ai bëri 32 paraqitje për një total prej 2880 minutash lojë me fanellën Neroverdi”, ka shkruar Sassuolo.
Portieri 27-vjeçar përgjatë sezonit 2025/26 ka treguar paraqitje të mira te Sassuolo, duke ndihmuar klubin që të përfundojë në pozitën e 11-të në tabelë pas rikthimit në Serie A.
Muriq është zhvilluar te Manchester City, ndërsa ka luajtur edhe për NAC Breda, Nottingham, Girona, Willem II, Adana Demirspor e Burnley.
