Portieri i Kombëtares së Kosovës, Arijanet Muriq ka gjasa reale të largohet nga Ipswich Town, ekip të cilit iu bashkua para një viti.
Bëhet e ditur se dy klube, njëri nga Serie A e Italisë dhe tjetri nga Ligue 1 i Francës, kanë shprehur interesim për shërbimet e Muriqit.
Sassuolo dhe Monaco, janë ekipet që po insistojnë në transferimin e portierit 26-vjeçar këtë verë, i cili është i gatshëm të largohet nga Ipswichi, ekip që nuk ka mbijetuar në Premier League dhe në sezonin e ri do të bëjë gara në Championship.
Madje, thuhet se Sassuolo ka bërë ofertë zyrtare për portierin Muriq, ndërsa edhe Monaco ka kontaktuar Ipswichin dhe mbetet të shihet nëse do të arrihet ndonjë marrëveshje.
Muriq verën e shkuar iu bashkua Ipswichit nga Burnley dhe ka kontratë me skuadrën angleze deri në vitin 2028 dhe kartoni i tij vlerësohet 5 milionë euro.
Sezonin e shkuar, ai regjistroi 18 paraqitje në Premier League kurse ka edhe 38 ndeshje për Kombëtaren e Kosovës.
