Sallahu ka njoftuar se rastin e kanë dërguar në Gjykatë, madje ai i këshilloi KMDLNj-në që t’i kursejnë ata nga këshillat për themelimin e Asociacionit, shkruan teve1.info
“KMDLNj-ja i ka keqpërdorur rreth 100.000€ të taksapaguesve. Rastin e kemi dërguar në Gjykatë dhe këta që supozohet t’i mbrojnë të drejtat dhe liritë e njeriut, le të përgatiten ta mbrojnë fillimisht veten para drejtësisë! Do të ishte mirë që keqpërdoruesit që i kanë dëmtuar fondet publike, të na kursejnë nga këshillat e themelimit tê Asociacionit që na e deformon shtetin!|, ka shkruar Sallahu në Facebook.
Tutje ai theksoi se liritë dhe të drejtat e njeriut i cënojnë pikërisht ata që bënë thirje për themelim të mekanizmave që shkelin Kushtetutën.
Sipas tij, Asociacioni do ta deformonte shtetin.
“Liritë dhe të drejtat e njeriut janë të garantuara me Kushtetutë dhe me akte ndërkombëtare. Ne i respektojmë ato maksimalisht. Por, liritë dhe të drejtat e njeriut i cënojnë pikërisht ata që bëjnë thirrje për themelim të mekanizmave që e shkelin Kushtetutën, siç është Asociacioni, i cili në thelb është strukturë e bazuar në përkatësi etnike, përmes të cilës rriten dallimet e diskriminimet kombëtare, që janë në frymë të kundërt me liritë dhe të drejtat e njeriut”, ka shkruar ai.
Kujtojmë që sot KMDLNj-ja përmes një komunikate për media ka thënë se Qeveria ose është dashur të pranojë shtyerjen e afatit për targa duke kërkuar garancë me shkrim ose është dashur të mos e shtyeej për asnjë ditë të vetme.
Po ashtu KMDLN-ja propozi që Asociacioni të formohet sipas rekomandimeve të Gjykatës Kushtetuese të Kosovës dhe të bëhet pjesë e Pakosë së Marrëveshjes përfundimtare./teve1.info
https://teve1.info/lajmet/kmdlnj-asociacioni-te-formohet-sipas-rekomandimeve-te-kushtetueses/
