Salihaj thotë se në vend se fëmijët të motivohen për të shkuar në shkollë, kjo e drejtë po u privohet për shkak të mosmarrëveshjeve të Sindikatës me Qeverinë.
“Për keqardhje me thënë të drejtën që para çdo fillimviti ne ballafaqohemi me këto greva, kërcënimet për greva. Në vend që t’i motivojmë fëmijët që ata të shkojnë me gëzim në shkollë, t’i motivojmë prindërit…ne praktikisht i privojmë nga kjo e drejtë elementare për shkak të mosmarrëveshjeve që ka Sindikata me Qeverinë. Këtu praktikisht faji nuk është jetim por ndahet, mes këtyre dy palëve, sepse nuk kanë qenë në gjendje të negociojnë e të gjejnë një zgjidhje”, tha ai në “Ditari” në Tëvë 1.
Sipas tij, tani nuk ka qenë momenti për grevë, për shkak të kushteve të rënda dhe “krizës politike” në vend. /Teve1.info/
