Emir Sahiti mund të largohet nga skuadra e Hamburgut në afatin kalimtar të janarit.
“Transferfeed” ka shkruar të hënën se menaxheri i Sahiti është duke kërkuar klub të ri ku sulmuesi i krahut mund ta vazhdojë karrierën.
Mund të ndodhë që Sahiti të huazohet te ndonjë klub, por ekziston mundësia që të largohet përfundimisht nga Hamburgu.
Sahiti nuk ka luajtur në tetë ndeshjet e fundit për Hamburgun. Ndërsa në gjashtë prej tetë ndeshjeve nuk u ftua.
Ndeshja e fundit që sulmuesi i krahut e luajti për Hamburgun ishte në shtator ndaj Hannoverit. Ishte ndeshje miqësore.
Sulmuesi kosovar këtë edicion në Bundesligë ka dy ndeshje të zhvilluara.
26-vjeçari Sahiti te Hamburgu u transferua verën e kaluar nga Hajduku i Splitit për 1 milion euro. Kontrata i përfundon në vitin 2027.
