Sipas tij, kjo për shkak se për të marrë pjesë në forume të tilla duhet që delegacioni të jetë i përgatitur.
“Realisht Kosova ka marrë pjesë shumë herë në këto forume. Nuk ka pasur një feedback nga këto takime, duhet ta themi qartë që Kosova si shtet përveç që duhet të jetë më e përgatitur në pjesëmarrjen e këtyre forumeve e kam parë si dobësi shkuarjen e Kurtit nga Uashingtoni në Davos sepse agjenda ka qenë e ngarkuar pastaj momentin që udhëton nga një shtet në një tjetër përveç lodhjes psiqike është edhe fizike. Sa kam mund me pa udhëtimi i këtyre delegacioneve ndodhë janë të papërgatitura nuk shkojnë me tema konkrete për të ofruar kushte dhe garancione për investitorët e huaj”, tha ai.
Tutje, Sadiku thekson se gjatë këtyre pjesëmarrjeve në forume duhet bindur investitorët që të investojnë në Kosovë.
“Kurse në Kosovë ndodh e kundërta, së pari duhet të negociojë me 20 vetë deri sa të vijë me një investim me njëfarë forme më shumë i jipen garanca në letër sesa praktikisht përderisa shumë investitorë turq ose francezë kemi parë edhe gjermanë që kanë ikur në Maqedoni dhe Serbi për fajin e Kosovës sepse s’ka mundur të krijojë kushte adekuate për ta”, shtoi ai./teve1.info/
