Aneksi i Ohrit, çështjen e të pagjeturve e kishte cilësuar si urgjente, që nënkupton se palët duhet të punojnë menjëherë në të.
Në takimin e parë pas Ohrit, që u mbajt më 2 maj në Bruksel, liderët u dakorduan për deklaratën për personat e zhdukur.
Që nga publikimi, ky dokument ka ngjallur reagime të shumta në vend, për shkak të terminologjisë së përdorur.
Ish-zëvendëskryeministri i Kosovës, Ramë Manaj, në një intervistë për tëvë1 tha se kjo deklaratë nuk do të sjellë asnjë progres për personat e zhdukur.
Më optimist për ndikimin e kësaj marrëveshje në zbardhjen e fatit të të pagjeturve është Bekim Blakaj nga Fondi për të Drejtën Humanitare.
Në takimin e radhës mes kryenegociatorëve që pritet të mbahet brenda këtij muaji në Bruskel, palët pritet që të dakordohen edhe për planin e zbatimit të deklaratës për personat e zhdukur.
Kronika e gazetarit Valmir Gallopeni.
