Fillimisht vizituan Beogradin, e më pas zbarkuan edhe në Prishtinë.
Kryeministri holandez, Mark Rutte, dhe homologu i tij nga Luksemburgu, Xavier Bettel, mëngjesin e së martës, u pritën në aeroportin e Prishtinës nga kryeministri i vendit, Albin Kurti.
Me të mbrritur në kryeministri, bashkë më shefin e ekzekutivit dolën në konferencë për media.
Kryeministrat evropian, thanë se nuk kanë ardhur në Prishtinë për të gjykuar Kurtin, sa i përket tensioneve në veri të Kosovës, ngase vizita e tyre ishte e paralajmëruar para fillimit të tyre.
Megjithatë ata po shprehen të gatshëm që të ndihmojnë në de-eskalimin e situatës.
Ne jemi të gatshëm të ndihmojmë nëse mundemi, në të ardhmen e afërt por aspekti kryesor duhet të udhëhiqet nga Borrell. Isha shumë i lumtur në shkurt kur me pjesëmarrjen e Gjermanisë dhe Francës arritëm një marrëveshje bazë, si të lëvizim përpara dhe bazuar në të ishim në Maqedoninë Veriore kur u vendos për implementimin e saj. Por, që nga atëherë tensionet janë ngritur dhe ne tani duhet të fokusohemi në çështjen e deeskalimit dhe në udhërrëfyesin e BE-së dhe besoj që kjo është më e mira
Sipas tyre, në konflikte nuk ka asnjëherë fitues, duke bërë thirrje kështu që të respektohen të gjitha marrëveshjet e arritura mes Kosovës dhe Serbisë.
Stabiliteti është në interes të të gjithëve. Unë mund të përkrah kryeministrin Kurtin, presidenten Osmanin, zotëri Vuçiq dhe zonjën Bërnabiq që t’i përmbahen këtij udhërrëfyesi të BE-së. Nuk do të ketë fitues në fund nëse ka konflikte.
