Forcat ruse rrëzuan sot 20 dronë pa pilot ukrainas të lëshuar mbi gadishullin e okupuar të Krimesë.
Katërmbëdhjetë drone u shkatërruan nga sistemet e mbrojtjes ajrore dhe gjashtë të tjerë u shtypën nga lufta elektronike, raporton DW.
Nga këto veprime nuk ka pasur viktima dhe asnjë dëm.
Objektivi i sulmeve të raportuara mbeti i paqartë për momentin. Sergei Kryuchkov, një ndihmës i guvernatorit të Krimesë, tha më herët se sistemet e mbrojtjes ajrore janë përdorur për të zmbrapsur sulmet ajrore në pjesë të ndryshme të gadishullit.
Autoritetet e transportit të Krimesë thanë në kanalin e tyre Telegram se trafiku në Urën e Krimesë, që lidh gadishullin e Detit të Zi me rajonin rus të Krasnodarit, u pezullua për rreth dy orë gjatë natës.
Gadishulli i Krimesë u pushtua ilegalisht nga Rusia në vitin 2014 dhe u përdor si pikënisje për pushtimin e plotë të Rusisë vitin e kaluar./teve1.info/
