Sekretari amerikan i Shtetit, Marco Rubio ka deklaruar se Iranit nuk do t;i ofrohen lehtësime në sanksione për rihapjen e Ngushticës së Hormuzit dhe se çdo lehtësim do të jetë “i bazuar në kushte”.
Rubio tha se Irani duhet të “njoftojë shumë qartë që Ngushtica e Hormuzit është e hapur tani”, për të cilën tha se është kushti i parë i bisedimeve me vendin pers.
Ai poashtu përmendi se Irani duhet të angazhohet në negociata specifike mbi asgjësimin e uraniumit me përqendrim të lartë.
Rubio tha se është optimist për potencialin e një rifillimi të bisedimeve bërthamore me Iranin, pavarësisht një armëpushimi të pasigurt në luftë që duket gjithnjë e më shumë në dyshim.
“Ata kanë rënë dakord të negociojnë aspekte të programit të tyre bërthamor që vetëm një muaj më parë, vetëm një vit më parë, ata refuzonin as t’i përmendnin”, i tha Rubio komitetit të marrëdhënieve me jashtë të Senatit të SHBA-së, shkruan Guardian. Ai nuk dha hollësira.
Megjithatë, ai tha se kjo nuk ishte një garanci se bisedimet do të çojnë në një marrëveshje për t’i dhënë fund luftës SHBA-Izrael kundër Iranit./teve1.info/
