Autore: Adea Mustafaj
Në mes të armaturave po i duhet të kalojë.
Kjo është njëra nga shumë qytetarë në kryeqytet, të cilët detyrohen të kalojnë në këtë mënyrë në këtë rrugë për të dalur në sheshin “Zahir Pajaziti”.
Kjo pasi punimet në këtë rrugë kanë mbetur në gjysmë tash e një vjet.
Qytetarët thonë se kjo është kthyer në një problem të përditshëm.
“Po doket me të vërtetë e rrezikshme. Fatmirësisht mu për veti nuk po më bjen me kalu shpesh e po i iku me anashkalu. Po për qytetarët që jetojnë këtu afër është diçka që ua vështirëson përditshmërinë”, thotë Adriana Ceka.
“Shumë shumë keq që asgjë s’kanë bë që katër vite, as përpara, as tash. Kshtuqë kjo rrugë menxi që kalova vetë, t’u u mbajt për muri isha derisa kalova”, shprehet Sevdije Berisha.
“Shumë keq. Qe kalum knej si ki as shenjat ku dalim, hymjes. Shumë palidhje kjo. Kjo është një far demorllaku i administratës edhe Qeverisë Qendrore”, thotë Samir Emini.
E nga Komuna kanë një arsyetim për këtë gjendje.
“Është një projekt që ka fillu më herët. Saktësisht gjindet mbrapa ndërtesës tek “Zahir Pajaziti”, dhe Fakultetit Ekonomik. Një projekt i cili e ka pas atë vashdimësinë, rutinën, mirëpo siç e dini edhe për shkak problematikave që ka së fundi kryeqyteti me buxhetin, kemi telashe në zbatushmërinë”, ka sqaruar Pëllumb Bajqinovci nga Komuna e Prishtinës.
Nga Komuna thanë se kur të zgjidhen problemet financiare, atëherë do të vazhdojë projekti për rregullimin e kësaj rruge.
