Bileta për relacionin ‘’Hajvali-Prishtinë’’ dhe anasjelltas, është rritur në 60 cent.
E arsyeja e rritjes së çmimit për 10 cent sipas drejtorit të kompanisë që operon në këtë linjë, Gani Sinani është ngritja e çmimit të naftës.
‘’Arsyeja ka qenë që shpenzimet e derivateve shkuan në ngritje enorme, deri 1 euro e 80 cent… kështu që kurrqysh nuk i mbulonim më’’, tha ai.
Sinani shton që këtë vendim e kanë marrë pas shumë kërkesave që kanë dërguar tek institucionet.
“Deri më tani asnjë reflektim nuk pamë nga niveli komunal kështu që e pamë të arsyeshme që 10 cent…’’,shtoi ai.
E ky vendim po gjen mirëkuptim tek qytetarët.
Tevë1 ka kërkuar qëndrim për këtë çështje edhe nga Drejtoria e Urbanizimit në Komunën e Prishtinës, mirëpo nuk ka marrë përgjigje.
Raporti i gazetares Albiona Hajdari.