Tetë shtatori i vitit të kaluar u konsiderua si datë shumë e rëndësishme për sportin e Kosovës pasi në Greqi Kosova fitoi të drejtën e organizimit të Lojërave Mesdhetare “Prishtina 2030”.
Por, tashmë kur po bëhet një vit nga kjo marrëveshje, në Kosovë nuk është bërë asnjë hap për të përmbushur marrëveshjen e nënshkruar, madje nuk është formuar as Komiteti Organizativ që do të merrej me punët operacionale në teren.
Për më tepër, tashmë ka edhe një përplasje ndërmjet Komunës së Prishtinës si nikoqire e këtyre lojërave dhe Qeverisë së Kosovës si garantuese financiare e tyre. Kjo e fundit ka kërkuar nga (Komiteti Ndërkombëtar i Lojërave Mesdhetare – ICMG) që të ndryshohet marrëveshja dhe qeveria të jetë bartëse e këtij organizimi.
Një lëvizje të tillë të ekzekutivit kosovar e ka konfirmuar për Kryetari i Komunës së Prishtinës, Përparim Rama, duke e quajtur atë si “kërkesë absurde”
Nga Komiteti Ndërkombëtar i Lojërave Mesdhetare nuk ka pasur përgjigje të detajuar pos referencës që për këtë të kontaktohet Komiteti Olimpik i Kosovës.
Lojërat Mesdhetare janë parë si mundësi e madhe dhe serioze që Kosova të përfitojë dhe të investojë në përmirësimin e infrastrukturës sportive pasi parashihet ndërtimi i shumë stadiumeve, sallave e pishinave olimpike nëpër komunat e Kosovës.
