Erdhi nga Holanda në Kosovë.
I riu, Brian Rocca, ka nisur një rrugëtim që do të zgjasë plot shtatë ditë në vendin tonë.
Gjatë kësaj periudhe Rocca, do të vizitojë qytete të ndryshme dhe do ta ketë mundësinë të mësoj më shumë për kulturën e vendit.
Holandezi thotë se i ka lënë shumë përshtypje mikpritja e kosovarëve.
E ky gjatë gjithë kësaj periudhe do të shoqërohet nga vloggeri tjetër, Alb Muhaxhiri.
“Jam pritur shumë mirë në Kosovë dhe kjo po më pëlqen. Tani mezi po pres të dal e të vizitoj qytetet e Kosovës, duke filluar nga Prishtina. Ta vizitoja Kosovën ka qenë gjithmonë në listën time të dëshirave, dhe ja tani më erdhi mundësia. Jam duke kaluar kohë shumë të mirë me Albin, që në momentin e parë kur jemi takuar ka pasur një energji të mirë. Ne jemi profile te ngjashme ne punën që bëjmë, prandaj edhe po kalojmë jashtëzakonisht mirë. Mund të them se po e kaloj një eksperiencë unike”, tha Rocca.
Sikurse Brian këtë eksperiencë po e shijon edhe Alb Muhaxhiri, i cili vjen nga qyteti i Gjakovës.
Protagonistë të këtij projekti, janë 12 vlogger të rinj nga Bashkimi Evropian dhe Ballkani Perëndimor, të cilët do të udhëtojnë në të gjithë rajonin.
Fushata “Made of US – Western Balkans Road Trip”, është financuar nga Bashkimi Evropian.
Kronika e gazetarit Shpat Blakçori.
