Ndërmarrja “Trainkos” ka njoftuar se si pasojë e një rrëshqitjeje të gurëve në kilometrin 51/200, është dëmtuar binari hekurudhor në linjën Klinë–Prishtinë.
Përmes njoftimit është bërë e ditur se për shkak të këtij incidenti, treni i ditës së sotme nuk ka pasur mundësi të qarkullojë në këtë relacion.
Ndërkohë, treni në linjën Klinë–Pejë do të qarkullojë sipas orarit të rregullt, ndërsa treni Pejë–Prishtinë–Pejë është pezulluar deri në njoftimin e radhës.
“Ju njoftojmë së gjatë ditës së sotme ka ndodhur një rrëshqitje e gurëve në Km 51/200 dhe si pasoj e kësaj është dëmtuar binari hekurudhor dhe treni i ditës së sotme nuk ka pasur mundësi te qarkulloj si pasoj e këtij incidenti. Treni i ditës së sotme në relacionin Klinë – Prishtinë nuk do të mund të qarkulloj dhe i njëjti në relacionin Klinë – Pejë do të qarkulloj sipas Orarit te Lëvizjes së trenave. Treni Pejë – Prishtinë -Pejë nuk do të qarkulloj deri në njoftimin e radhës”, thuhet në njoftim./teve1.info/
