“Një, dy, tre, katër, pesë, gjashtë, shtatë plumba që e kanë gjuajte vëllain tem drejt në to”, ka thënë Elshani.
Me kaq plumba u godit në drejtim të këtij kamioni me 17 mars të vitit 2004.
E shofer i tij ishte 23 vjecari, Kastriot Elshani nga fshati Bajincë e Komunës së Drenasit.
Ky i fundit ishte nisur drejt Mitrovicës, për t’iu bashkuar protestave që shpërthyen atë ditë.
E pjesë e tyre ishte edhe vëllai i Kastriotit, Asllani.
22 vite pas kësaj ngjarje, Asllan Elshani rrëfeu momentin kur arriti tek mjeti transportues që kishte përfunduar jashtë rrugës.
Por qëndrimi në spital nuk ishte i lehtë.
Këtu, sa ishte në pritje të operacionit të vëllait të vogël, arriti një trup tjetër.
47 vjecari e mësoi se edhe vëllai tjetër e kishte pësuar njëjtë.
Pas Bajrës, në spital ndërroi jetë edhe Kastrioti.
Por edhe pas kaq shumë vitesh, ai thotë se nuk kanë përgjegjësi institucionale për rastin.
Ndryshe, me 17 mars 2004 shpërthyen protestat që më vonë do të njiheshin si Trazirat e Marsit në Kosovë.
Ato zgjatën dy ditë dhe gjatë kësaj periudhe humbën jetën 20 civilë, ndërsa mbi 900 persona u plagosën, shumica prej tyre shqiptarë.
