Rrugën nga Kosova për në Austri e bënë që kur ishte 7-vjeçar.
Deniz Syla qe 15 vite ka braktisur vendlindjen për një jetë më të mirë.
E për shkak të kushteve të jetesës, nga Prizreni u largua edhe Andi Bushati.
24-vjeçari që afro shtatë muaj jeton në Gjermani.
Duke pritur para ambasadës ishte edhe Deniz Biblekaj, i cili punon qe tre vite si infermier në Gjermani.
Ky po pret motrën e cila shpreson të marrë vizën për në Zvicër.
Duke shpresuar një jetë më të mirë, përgjigje pozitive po pret edhe Gabriel Dushi i cili sapo ka dorëzuar dokumentet tek ambasada Gjermane.
Ai po shpreson që së shpejti të ja fillojë një punë të re në këtë vend evropian.
Bazuar në të dhënat e Agjencisë së Statistikave të Kosovës, mbi 42 mijë qytetarë e kanë braktisur vjet Kosovën.
Kronika e realizuar nga gazetarja Doresa Geci.
