Rahoveci e Kastrioti takohen të shtunën prej orës 20:00 në ndeshjen për trofeun e Superkupës së Kosovës në hendboll. Ndeshja zhvillohet në palestrën “Bill Clinton” në Ferizaj. Rahoveci e synon trofeun e dytë të Superkupës. Për herë të parë e fitoi vjet. Dy edicionet e para të Superkupës i kanë takuar skuadrës pejane, Besa Famgas. Ndërkohë Kastrioti synon që ta fitojë Superkupën për herë të parë. Ndeshja pritet të jetë shumë interesante dhe me rivalitet, ndonëse në prag të edicionit të ri të garave. Skuadrat që e kanë fituar Superkupën e Kosovës deri më tani, përballën të shtunën prej orës 17:30 në palestrën “Bill Clinton” në Ferizaj.
Istogu i ka fituar dy trofetë e parë të Superkupës, ndërsa vjet Superkupa i takoi Ferizajt. Vjet në Rahovec u zhvillua finale dramatike, që u vendos vetëm me penallti. Tani Istogu e Ferizaj përballen në “Bill Clinton”, në kërkim të trofeut të vlefshëm. Edhe kjo ndeshje për Superkupë në mesin e hendbollisteve shpresohet të jetë interesante.
